PUBLISHED
BY:
 Sun Star Superbalita.png
AUGUST 17, 2009
 
Taiheiyo scholars: 3 college, 11 HS milampos
 
Gisugdan na sa Taiheiyo Cement Philippines, Inc. (TCPI) sa pagpadala sa kolehiyo ang tulo ka mga taga-San Fernando sa dihang nakahuman na sab ang unang 11 niining mga iskolar sa hayskul, kasagaran nila nakaangkon og pasidungog ug ang uban nalakip sa mga nag-una sa ilang klase.

Uban sa Solid Earth Development Corporation (SEDC), nga supplier sa mga minerals nga gikinahanglan sa paghimo’g semento, gihangop sab sa TCPI ang bag-ong 12 ka mga iskolar sa hayskul, tagsa-tagsa nila nagrepresentar sa 12 ka mga barangay asa nagpadagan ang TCPI ug SEDC sa ilang pamatigayon.

Mikabat na karon tungod sa ilang pagkasulod sa joint TCPI-SEDC scholarship program ang 48 ka mga iskolar sa hayskul ug tulo pa kolehiyo alang sa 2009-2010 nga tuig tigtungha.
    
Pinaagi sa usa ka inandam nga kalihukan sa miaging Hunyo 13 sa TCPI covered gym, gipasigarbo sa duha ka mga kompanya ang 11 nga mihuman sa miaging bulan sa Marso, ug ang mga undergraduate pa lang nga mihuman sa 2008-2009 tuig tigtungha nga giila sa ilang katakus ug sa mga kalampusan nilang nahimo.
    
Gipa-ila sab nila kang Mayor Lakambini “Neneth” G. Reluya sa San Fernando ug sa 12 ka mga kapitan sa barangay ang unang tulo ka mga iskolar sa kolehiyo ug bag-ong 12 nga mga iskolar sa hayskul kansang matrikula, mga galastu-unon sa pagtungha ug inadlaw-adlaw nga mga panginahanglanon gi-abagan sa kompanya.
    
Giubanan ni Mayor Reluya sila si Katsuo Ono, TCPI senior vice president for operations ug plant manager., ug si Takashi Sugiyama, SEDC director ug technical adviser, sa pagtunol sa mga tiniman-ang sertipiko alang sa mga iskolar uban sa ilang mga ginikanan  ug kapitan.
Lakip sa mga tulo ka mga bag-ong iskolar sa kolehiyo sila si Reyvin G. Dorig sa Barangay Magsico, Donalyn A. Tambacan sa Barangay Greenhills, ug Jeramel L. Geralde sa Barangay Tonggo, nga mao sab ang nag-una sa 11 nga migradwar sa Miaging Marso.
    
Laing 10 nga mihuman sa TCPI-SEDC scholarship program naglakip nila ni Christine Faith P. Alicaway, Jordan C. Alicaway, Charise P. Genon, Dexter P. Dacalos, Carmela A. Presores, Mark P. Martinez, Genelyn T. Candilanza, Griselda L. Sasam, Editha L. Sandoy, ug Bernarda M. Panilagan. (PR)