PUBLISHED
BY:
 Sun Star Superbalita.png
JULY 30, 2009
 
633 natagad sa medical mission
 
Labing menos 633 ka mga lumolupyo sa Magsico, bukirang barangay sa San Fernando, natagad sa mga doctor sa us ka medical mission nga gipahigayon sa Taiheito Cement Philippines, Inc. (TCPI) sa miaging bulan.

Nasuta nila ni Dr. Ildebrando E. Estella nga hypertension, mga sakit sa kalawasan, impeksyon sa ihi-anan ug gastritis maoy kasagaran nga mga sakit sa mga pasyente nga ilang natagad sa Magsico National High School.

Niabaga ang barangay health workers sa mga diktor og nars, samtang laing grupo sa mga medical technologists nihimo og fasting blood sugar (FBS) sa mga nagpakuha nila.

Gipaluyuhan sa mga opisyal sa Magsico ang kalihukan gikan sa unang paglista sa 314 ka mga pasyente ug sa pagdawat sa dugang nga 319 nga unang gitagad sa mga magtutudlo ubos ni Carmen C. Dumadag nga ilang principal.

Nangunay mismo sila si Katsuo Ono, manager sa planta sa TCPI nga usa ka senior vice president sa grupong Taiheiyo, sa pagpahigayon sa maong kalihukan.

Uban ni Takashi Sugiyama, director sa Solid Earth Development Corporation (SEDC), ilang giseguro nga hapsay ra ang pag-apud-apod sa mga tambal nga ilang gidonar alang sa taga-Magsico.

Gipasalamatan ni Algerico Delfino, kapitan sa Magsico, ang tanang nalambigit sa pagpahigayon sa medical mission.

Gipahigayon sa TCPI ug SEDC ang medical mission ubos sa ilan hiniusang Social Development and Management Program (SDMP). (PR)