PUBLISHED
BY:
 
JUNE 17, 2009
 
Taiheiyo nakatabang sa mga tunghaan sa Sugbo
 
Di mominos 71 sa mga bag-ong tulunghaan nagamit na sa miaging 2008-2009 nga tuig tigtungha ang natabangan sa Taiheiyo Cement.

Kadaghanan sa nadugang nga 130 ka mga tunghaan nagamit na sa 2009-2010 tuig tigtungha nga nagsugod niadtong Hunyo 1.

Si Gob. Gwen Garcia nidayeg sa donasyon gikan sa pribadong kompanya.

“Gikaingon nato nga ang mga pribadong pamatigayon nagtagad lang sa ilang kinita. Apan kining pribadong kompanya nga may dakong kasingkasing nga naila na nato nga Taiheiyo Cement Philippines nagpatuman sa tunhay  nga corporate social responsibility dli lamang sa pulong apan sa gipamuhat nila,” matod ni Garcia.

Gidala ni Garcia ang TCPI ug APO Cement Corp. nga makig-alayon sa Probinsya ug sa DPWH aron maayo dayon ang  mga dalang naguba sa mga dagkong balud ug lunop dala sa bagyo diha sa Oslob, Samboan, Ginatilan, Malabuyoc ug Dumanjug nga lisud nang ka’agian.

Gibuhat niya kini human niya masuta nga ang DPWH, nga maoy responsible sa mga kadalanan nasyonal, nagkulang sa mga kahimanan  ug materyales, ug wala pa sab madawat sa ilang buhatang rehiyonal ang P70 milyunes nga naapod sa nasudnong kagamhanang alang sa maong pag-ayo. (PR)