PUBLISHED
BY:
 
MARCH 19, 2009
 
TCPI mipasar sa ISO-OHSAS 
 
Giaprobahan sa Certification International (Phils.) Inc. ang padayon nga pag-certify sa Integrated Management System (IMS) sa Taiheiyo Cement Philippines, Inc. (TCPI) human maabot gihapon ang standards sa International Organization for Standardization (ISO).

Gi-renew sab sa samang ISO governing body alang ni’ng tuiga ang lahing sertipikasyon nga ang occupational health and standard procedures sa maong planta sa semento sa San Fernando, Cebu nagsunod sa standards ubos sa Occupational Health and Safety Assessment Series (OHSAS) 18001:2007.

Gibuyag ni Renato V. Navarrete, managing director sa CI, kang Engr. Nilo R. Yap, management representative sa TCPI, nga gibase ang desisyon sa CI ISO Governing Board sa resulta sa surveillance audit nga gipahigayon sa CI sa ilang IMS sa Oktubre sa miaging  tuig ug sa mga corrective actions nga nabuhat sa TCPI pagkahuman sa audit.

Gihiusa sa IMS ang tulo ka mga ISO management systems nga gisunod sa TCPI sulod na sa 10 ka tuig karon. Kini sila mao ang ISO 9001:2000 alang sa quality management system (QMS), ISO 14001:2004 alang sa environment management system (EMS) ug OHSAS 18001:2007.
Matod ni Navarrete, nakita sa October audit nga kanunay ang TCPI nagtamod sa pagpatuman sa mga rikisito sa tulo ka mga ISO.

Gidasig ni Navarrete ang TCPI sa pagpatuman sab sa mga pipila ka mga oportunidad nga ilang nakita sa audit. (PR)